လီဆိုရာ ရဲ့ သီချင်းအသစ် Song Request

အခုခေတ် K-popper တွေကို လီဆိုရာကိုသိလားလို့ မေးကြည့်ရင်တော့ သိတဲ့သူကတော်တော်မှ တော်တော်လေး ရှားပါတယ်။ လီဆိုရာ ကတော့ ballad, jazz သီချင်းအမျိုးအစားတွေကိုပဲ ဆိုလေ့ရှိတဲ့ အဆိုတော်ကြီးတစ်ယောက်ပါ။

 

 

 

ဇန်နဝါရီလ ၂၁ ရက်နေ့မှာတော့ လီဆိုရာတစ်ယောက် အသစ် တစ်ပုဒ် ထွက်ရှိလာခဲ့ပါတယ်။ သီချင်းလေးနာမည်ကတော့ 신청곡. အဓိပ္ပါယ်ကတော့ Song Request ပါ။ ပုံစံလေးကတော့ မိုးရွာတဲ့နေ့မှာ နားထောင်ရင် အရမ်းကို နားထောင်လို့ကောင်းမယ့် ပုံစံလေးပါ။ ballad ဘက်ကို သွားတဲ့ ပုံစံ သီချင်းအေးအေးလေးတစ်ပုဒ်ပေါ့နော်။ ညဘက် အိပ်မပျော်တဲ့သူတွေဆိုရင်တော့ နားထောင်ရင်း အိပ်ပျော်သွားစေနိုင်မယ့် သီချင်းလေးတစ်ပုဒ်ပါပဲနော်။

 

ရေဒီယိုက လွှင့်တဲ့ သီချင်းကိုနားထောင်ရင်း သူ့ရဲ့ ဖြစ်ပေါ်လာတဲ့ခံစားချက်အကြောင်းလေးကို ရေးထားတာပါ။ ဒီ သီချင်းလေးကို ရေးပေးထားတဲ့သူကတော့ Epik High အဖွဲ့ရဲ့ Tablo ပဲ ဖြစ်ပါတယ်။ ဒီသီချင်းထဲမှာ featuring အနေနဲ့ BTS အဖွဲ့ရဲ့ rapper ဖြစ်တဲ့ SUGA က ပါဝင်ပေးထားပါတယ်။ SUGA ကတော့ သူ့ရဲ့ rap အပိုင်းကို သူကိုယ်တိုင်ရေးသားထားတာ ဖြစ်ပြီးတော့ ရေဒီယိုက လွှင့်တဲ့ သီချင်းတစ်ပုဒ်ရဲ့ နေရာကနေ ရေးသားထားတာကိုလည်း တွေ့ရမှာပါ။

ဒီသီချင်းလေး ထွက်မလာခင်တုန်းက Tablo နဲ့ SUGA တို့ စတူဒီယိုမှာ တူတူရိုက်ထားတဲ့ ဓာတ်ပုံလေးကို ဆိုရှယ်မီဒီယာတစ်ခုဖြစ်တဲ့ Instagram မှာ တင်ထားတာကိုလည်းတွေ့ခဲ့ရပါတယ်။ အဲ့ဒီအချိန်ထဲက SUGA နဲ့ Tablo တို့ရဲ့ Collabration လက်ရာလေးကို မျှော်လင့်နေခဲ့ရတာပါ။ ဒါပေမဲ့ လီဆိုရာပါ ပါလာမယ်ဆိုတာကို ဘယ်သူမှ မသိခဲ့ကြပါဘူး။ Tablo အနေနဲ့လည်း လီဆိုရာ အတွက် သီချင်းတစ်ပုဒ်ရေးပေးခဲ့ဖူးပါသေးတယ်။ Home ဆိုတဲ့ သီချင်းလေးဖြစ်ပြီးတော့ Tablo ကိုယ်တိုင် featuring အနေနဲ့ သီဆိုပေးခဲ့ပါသေးတယ်။

 

 

Leave a Reply

Your email address will not be published. Required fields are marked *